Վրաերթ` Տիգրան Մեծի պողոտայում. տուժածը տեղափոխվել է հիվանդանոց

Օգոստոսի 11-ին` ժամը 12.02-ին, ահազանգ է ստացվել, որ Երևանի Տիգրան Մեծի պողոտայում՝ «Տաշիր» առևտրի կենտրոնի մոտակայքում, տեղի է ունեցել վրաերթ, անհրաժեշտ է օգնություն: Դեպքի վայր է մեկնել մեկ մարտական հաշվարկ:

Պարզվել է, որ Տիգրան Մեծի պողոտայի և Մ. Խորենացու փողոցի խաչմերուկի մոտակայքում «Nissan» մակնիշի 16 UU 683 պ/հ ավտոմեքենան (վարորդ՝ 1956 թ. ծնված Գ. Կ.) վրաերթի է ենթարկել 1979 թ. ծնված Հ. Ղ.-ին:

Գ. Կ.-ի ինքնազգացողությունը վատացել է, նա հոսպիտալացվել է Հերացու անվան թիվ 1 հիվանդանոց, որտեղ, անցնելով համապատասխան հետազոտություն, դուրս է գրվել:

Փրկարարները Հ. Ղ.-ին մոտեցրել են շտապօգնության ավտոմեքենային, այնուհետև տուժածը տեղափոխվել է «Էրեբունի» ԲԿ. բժիշկները տուժածի առողջական վիճակը գնահատել են կայուն ծանր: