Երեւանում բախվել են Volkswagen-ն ու Lexus-ը. Տուժածը տեղափոխվել է հիվանդանոց

Այսօր` հունիսի 30-ին, ավտովթար է տեղի ունեցել Երևանում: Ժամը 13:30-ի սահմաններում Յան Ռայնիս 15 շենքի դիմաց բախվել են Երևանի բնակիչներ, 29-ամյա Սևակ Մելքոնյանի վարած Lexus մակնիշի 71 ՏZ 777 համարանիշի և 27-ամյա Անդրանիկ Սահակյանի վարած Volkswagen մակնիշի 195 ՕՕ 64 համարանիշի ավտոմեքենաները, հայտնում է Shamshyan.com-ը:

Վթարի հետևանքով Volkswagen-ի ուղևոր, Երևանի բնակիչ, 24-ամյա Վարդան Խաչատրյանը մարմնական վնասվածքներով տեղափոխվել է Քանաքեռ-Զեյթուն բժշկական կենտրոն:

Ֆոտոլրագրողի տեղեկություններով` Volkswagen-ի վարորդ Ա. Սահակյանը աշխատում է «Սովրանտ» ՍՊԸ-ում` որպես վարորդ -առաքիչ, իսկ հիվանդանոց տեղափոխված Վ. Խաչատրյանը` նույն ՍՊԸ-ում` առաքիչ: