Պատահար` Սպիտակ քաղաքում. տուժածը հիվանդանոց է տեղափոխվել

Մարտի 24-ին, ժամը 12.20-ին տեղեկություն է ստացվել, որ Լոռու մարզի Սպիտակ քաղաքի Կենտրոն թաղամասում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Թորոսյան փողոցում «ԵրԱԶ» մակնիշի 17 TT 270 պետհամարանիշով ավտոմեքենան (վարորդ՝ Վ. Մ.) ճանապարհի երթևեկելի հատվածում կողաշրջվել է. ուղևորն արգելափակվել է ավտոմեքենայում:

Փրկարարներն արգելափակումից դուրս են բերել ուղևոր՝ 1980 թ. ծնված Ռ. Մ.-ին և տեղափոխել Սպիտակ քաղաքի ԲԿ, որտեղ բժիշկները տուժածի առողջական վիճակը գնահատել են միջին ծանրության:

Փրկարարներն ուղղել են, հոսանքազրկել ավտոմեքենան, և փակել գազի բալոնի փականը: