Պուտինը` Ադրբեջանին զենք վաճառելու մասին

ՀՀ  եւ ՌԴ նախագահներ Սերժ Սարգսյանն ու Վլադիմիր Պուտինը բանակցություններից հետո հանդես են եկել հայտարարություններով եւ պատասխանել լրագրողների հարցերին:

ՌԴ նախագահ Վլադիմիր Պուտինին հարց է ուղղվել ՌԴ-ի կողմից Ադրբեջանին զենք վաճառելու  առնչությամբ:

«Մենք Հայաստանի հետ աշխատանքի ծրագիր ունենք: Հայաստանը ՀԱՊԿ-ի անդամ է եւ մեր դաշնակիցը, մենք փոխադարձ պարտավորություններ ունենք, եւ Ռուսաստանը միշտ հետեւում է իր պարտավորություններին եւ կատարում դրանք»,- ասել է Պուտինը:

Նա հավելել է, որ սպառազինությունների ժամանակակից շուկայում ցանկացած երկիր կարող է գնել գրեթե ցանկացած զենք: «Այնպիսի երկիր, ինչպիսին Ադրբեջանն է՝ նավթային, արագ զարգացող տնտեսությամբ, ոսկե արժութային մեծ պահուստներով երկիր, իհարկե, կարող է զենք գնել՝ որտեղ ասես»,- ասել է Պուտինը:

Պուտինը նաեւ ընդգծել է, որ այժմ, երբ ամեն ինչ արվում է խաղաղ լուծման համար, սպառազինություններից չարժե խոսել: