Հաստատվեց էլեկտրաէներգիայի շուկայի ազատականացման միջոցառումների ծրագիրը

Այսօր կառավարության նիստում հաստատվեց ՀՀ էլեկտրաէներգետիկական համակարգի էլեկտրաէներգիայի շուկայի ազատականացման և միջպետական առևտրի զարգացմանն ուղղված միջոցառումների ծրագիր-ժամանակացույցը:

Նաև հանձնարարվում է էներգետիկայի և բնական պաշարների նախարարին՝ մինչև 2017 թվականի մայիսի 31-ը՝ համագործակցելով հանրային ծառայությունները կարգավորող հանձնաժողովի հետ, ապահովել էլեկտրաէներգետիկական համակարգի էլեկտրաէներգիայի շուկայի ազատականացման և միջպետական առևտրի զարգացման միջոցառումների ծրագիր-ժամանակացույցի, ինչպես նաև դրանից բխող «Էներգետիկայի մասին» օրենքում փոփոխություններ և լրացումներ կատարելու մասին» օրենքի նախագծի մշակումը և կառավարության քննարկմանը ներկայացումը: