Թուրքիայում փակվել են Ֆրանսիայի դեսպանատունն ու հյուպատոսարանը

Երեկ անվտանգության նկատարումներից ելնելով՝ անորոշ ժամանակով փակվել են Անկարայում Ֆրանսիայի դեսպանատունն ու Ստամբուլում գտնվող գլխավոր հյուպատոսարանը:

Ըստ NTV-ի՝ այդ մասին հայտարարություն է տարածել Ֆրանսիայի դեսպանատունը, որում նշվել է, որ անվտանգության նկատառումներով չեղյալ են հայտարարվել նաև հուլիսի 14-ին Ֆրանսիայի ազգային տոնի առթիվ Ստամբուլում, Անկարայում և Իզմիրում նախօրոք ծրագրված տոնական միջոցառումները:

Թուրքիայում Ֆրանսիայի գլխավոր հյուպատոս Մուրիել Դոմենաշն էլ թեմայի վերաբերյալ արած հայտարարության մեջ նշել է, որ իրենց ստացած տեղեկությունների համաձայն` հուլիսի 14-ին ծրագրված միջոցառումների անվտանգությունն ուղղված լուրջ սպառնալիքներ կան: