Պետերբուրգում կփակվի Մեծ Բրիտանիայի հյուպատոսարանը

ՌԴ Սանկտ Պետերբուրգ քաղաքում կդադարեցնի իր գործունեությունը Մեծ Բրիտանիայի հյուպատոսարանը: Այդ մասին ասվում է ՌԴ ԱԳՆ-ի կայքում: Ըստ գերատեսչության` պատճառը երկու երկրների հյուպատոսական հաստատությունների ոչ հավասար քանակն է:

Ավելի վաղ հայտնել ենք, որ Ռուսաստանն արտաքսում է երկրից 23 բրիտանացի դիվանագետների` ի պաստասխան Լոնդոնի սադրիչ քայլերի:

Հիշեցնենք, որ մարտի 14-ին Մեծ Բրիտանիայի վարչապետ Թերեզա Մեյը Ռուսաստանին էր մեղադրել ռուս նախկին լրտես Սերգեյ Սկրիպալի թունավորման մեջ և հայտնել  23 ռուսաստանցի դիվանագետների արտաքսման մասին: Պաշտոնական Մոսկվան հերքում է մեղադրանքները և սպառնացել էր պատասխան քայլերի դիմել: