Թուրքիայի Սբ Երրորդություն հայկական եկեղեցու բակում Աթաթուրքի արձանն են տեղադրել

Թուրքիայի Էսքիշեհիր նահանգի Սիվրիհիսար շրջանում գտնվող հայկական Սուրբ Երրորդություն եկեղեցու բակում տեղադրվել է Քեմալ Աթաթուրքի արձանը:

Ըստ Haberler-ի՝ դեռևս 2011 թվականին քանդակագործ Մեթին Յուրդանուրի՝ բազմաթիվ արձաններ տեղադրելու նախագծի աշխատանքները վերջին տարում արագացվել են: Թուրքիայում քանդակների առաջին թանգարան հիմնելու մասին` մշակույթի նախարար Էրթուղրուլ Գյունայի հայտարարությունից հետո հայկական Սուրբ Երրորդություն (կարմիր քարերից կառուցված լինելու պատճառով այն հայտնի նաև Կարմիր եկեղեցի անունով) 100-ավոր արձաններ են հանվել ցուցադրության:

Եկեղեցու բակում և հարակից տարածքում ցուցադրության հանված բազմաթիվ արձանների թվում է նաև Աթաթուրքի արձանը:

«Արձաններն այժմ սպասում են իրենց այցելուներին»,- գրում է կայքը:

Թուրքերի «մտքի թռիչքըն» աներևակայելի է, հետաքրքիր է՝ ի՞նչ են մտածել` հայկական եկեղեցու բակում Աթաթուրքի արձանը տեղադրելով: