Լավրովն ու Շտայնմայերը քննարկել են ԼՂ հիմնահարցի կարգավորման հեռանկարը

Ռուսաստանի արտգործնախարար Սերգեյ Լավրովը հեռախոսազրույց է ունեցել Գերմանիայի արտգործնախարար Ֆրանկ- Վալտեր Շտայնմայերի հետ:

Ռուսաստանի ԱԳՆ կայքից տեղեկանում ենք, որ հեռախոսազրույցը տեղի է ունեցել գերմանական կողմի նախաձեռնությամբ: Կողմերը քննարկել են օրակարգային հարցեր, ինչպես նաև կարծիքներ են փոխանակել միջազգային խնդիրների վերաբերյալ:

 «Նախարարները քննարկել են օրակարգային որոշ հարցեր, ինչպես նաև անդրադարձել առանցքային միջազգային խնդիրներին: Առանձնահատուկ ուշադրություն է դարձվել ուկրաինական ճգնաժամի հաղթահարման հարցում Մինսկի խմբի որոշած «Նորմանդական ձևաչափի» հարցին: Նախարարները քննարկել են նաև Ղարաբաղյան հակամարտության կարգավորման հեռանկարները՝ հաշվի առնելով գերմանացի նախարարի`  որպես ԵԱՀԿ համանախագահող Երևան և Բաքու այցի արդյունքները»,-ասվում է ԱԳՆ տարածած հաղորդագրության մեջ: