106 կողմ, 6 դեմ. ԸՕ փոփոխություններն առաջին ընթերցմամբ ընդունվեցին

ՀՀ Ազգային ժողովն այսօր ձայների` 106 կողմ, 6 դեմ եւ 0 ձեռնպահ հարաբերակցությամբ առաջին ընթերցմամբ ընդունեց ՀՀ ԸՕ-ում փոփոխություններ եւ լրացումներ կատարելու նախագիծը:

Մինչ քվեարկությունը վարման կարգով ելույթ ունեցավ ԱԺ պատգամավոր Գագիկ Ջհանգիրյանը: Նա նշեց, որ ՀԱԿ խմբակցությունը խնդիրները ձեւակերպել եւ ներկայացրել է` ստորագրելով համատեղ փաստաթուղթը, և եթե կողմ են քվեարկում, դա դեռ չի նշանակում, որ կողմ են ամբողջ Ընտրական օրենսգրքին:

ԱԺ ԲՀԿ խմբակցության ղեկավար Նաիրա Զոհրաբյանն էլ հայտարարեց, որ ԲՀԿ-ն տեր է իր ստորագրությանը և կողմ է քվեարկելու:

ԱԺ պատգամավորներ Ռուբեն Հակոբյանը եւ Խաչատուր Քոքոբելյանը հայտարարեցին, որ դեմ են:

«Համախմբում» կուսակցության անդամ Էլինար Վարդանյանը նշեց, որ կուսակցության պատգամավորները կողմ են նախագծին: