Կառավարության կողմից ներկայացված օրենքի նախագծերն ընդունվեցին

ԱԺ արտահերթ նիստի օրակարգում կառավարության կողմից ներկայացված օրենքների նախագծերը երկրորդ ընթերցմամբ և ամբողջությամբ ընդունելու հարցերն են:

«Պետական պաշտոններ զբաղեցրած անձանց սոցիալական երաշխիքների մասին» Հայաստանի Հանրապետության օրենքում փոփոխություն կատարելու մասին և «Հայաստանի Հանրապետության քննչական կոմիտեի մասին» Հայաստանի Հանրապետության օրենքում փոփոխություն կատարելու մասին կառավարության ներկայացրած նախագծերի քվեարկությունը երկու անգամ եղավ: «Ելք» դաշինքի խմբակցության ղեկավար Նիկոլ Փաշինյանը վարման կարգով ելույթ ունեցավ և ասաց. «Վերջին շարքում երկու բացակա կա, բայց մենք ունենք լրիվ քվեարկություն»:

Հանրապետական խմբակցության ղեկավար Վահրամ Բաղդասարյանը հակադարձեց Փաշինյանին` ասելով. «Դատարկ աթոռ ունենք, որտեղ ոչ ոք չի նստում, և պետք չէ իրականությունը խեղաթյուրել»:

ԱԺ նախագահ Արա Բաբլոյանն էլ իր հերթին նշեց, որ այս հարցով կզբաղվի էթիկայի հանձնաժողովը:

Օրենքների նախագծերը երկրորդ անգամ դրվեցին քվեարկության և ընդունվեցին ձայների` 61 կողմ, 35 դեմ, 0 ձեռնպահ հարաբերակցությամբ: