Փառասիրությունն էլ է մեղք, սթափվեք, ձեզնից սկսեք. Շուշան Պետրոսյան

ԱԺ պատգամավոր, երգչուհի Շուշան Պետրոսյանն իր ֆեյսբուքյան էջում գրել է. «Սիրուց ե՞ք խոսում , ու դուք գիտե՞ք , հասկանում ե՞ք Հռոմի Պապի խորհուրդը՞ ... չունեք այդ իրավունքը Հռոմի Պապը Հայաստանում է , քրիստոնեությունն առաջինը ընդունած երկրում ։ Քրիստոնյա , նշանակում է սեր , սիրել կարողանալ ...էս ի՞նչ եք անում «քրիստոնյաներով», տղամարդ - կին են փիս , բամբասկոտ , էժան տեսակի նման զազրախոսում , անիծում եք Հռոմի Պապի մասին որևէ նյութում տեղադրված նկարի տակ , եթե կողքին Վեհափառն է , Նախագահն է...

Այ եսակենտրոն , մեծախոս , անվերջ մատը տնկած աջ - ձախ նկատողություն անող, խորհուրդներ տվող , ամենատեղյակ , որևէ հարցի լուծման միակ ՃԻՇՏ ՊԱՏԱԱԽԱՆ իմացողներ , բենթլի ունենալու երազանքից կուրացածներ , Հռոմի պապը Հայաստանում է գիտե՞ք , երբ սիրտն անջատած , կարևորը (!) թողած , գրում-գրում եք ինչ-որ մեքենայի մակնիշից , ամոթանք տալով ավելի լավ մեքենա ունեցողին , մոռանում եք , որ Հռոմի Պապը երևի պատվիրանները (հազար ներողություն , կներեք էլի , խնդրում եմ) ձեզնից լավ գիտի ու «հավանաբար» պահպանում է ու ձեզնից լավ է (կներեք մեկ անգամ ևս , խնդրում եմ ) պահպանում , որ չի դատում դիմացինին , չի մրցում , չի հաշվում ուրիշինը , չի գերագնահատում յուր անձը , չի զազրախոսում , չի անիծում , չի նախանձում ... ինքն ապրում է սեր սփռելով , իր լույսը բաժանելով , օրհնելով , աղոթելով բոլորիս համար , ինքը բարձրաձայնում է ՃՇՄԱՐՏՈՒԹՅՈՒՆԸ , որովհետև իր ընտրած ուղին ամենաուժեղն է , ամենաճշմարիտը ու սերն էլ անհաղթելի է։ Երևի մի բան գիտեն երկնքում , որ Հռոմի Պապ հենց ինքն է դարձել ...

Ինքն այդպես ապրում է , իսկ դու՞ք ... Բոլորս ,անխտիր բոլորս մեր ապրածի համար պատասխան ենք տալու Տիրոջ առջև , հանդարտվեք ... Տիկնայք և պարոնայք , չեմ ասի սիրելիներս , խաբել չգիտեմ ու ատել էլ չգիտեմ , պարզապես տխրում եմ ու տեղյակ եմ , որ բոլորդ , մեկիկ-մեկիկ , Հռոմի Պապ , Վեհափառ, Նախագահ ընտրվելու այն «միակ» ու «ամենաճիշտ» տարբերակն էք... ամենալավ «Հումորիստները» , ամենասուր միտքը հենց ձերն է ու դուք ամենատես եք ... Ուզում եմ ասել փառասիրությունն էլ է մեղք , սթափվեք ՁԵԶՆԻՑ ՍԿՍԵՔ»