Ալիևը գիշերը վատ երազ է տեսել. Ադրբեջանը հերթական ապատեղեկատվությունն է շրջանառում

Շատ հեռու է իրականությունից, չկա նման բան. Yerkir.am-ի հետ զրույցում ասաց ՀՀԿ խմբակցության  քարտուղար Գագիկ Մելիքյանը` արձագանքելով  լրատվամիջոցներով շրջանառվող այն տեղեկությանը, թե Ադրբեջանի նախագահ Իլհամ Ալիևի աշխատակազմի ղեկավարի տեղակալ, արտաքին կապերի բաժնի վարիչ Նովրուզ Մամեդովը հայտարարել է, թե Սանկտ Պետերբուրգում տեղի ունեցած եռակողմ հանդիպման ժամանակ Հայաստանի և Ադրբեջանի նախագահները ԼՂՀ հակամարտության փուլային կարգավորման շուրջ համաձայնության են եկել, և իբրև թե  պետք է հանձնենք 5 շրջան, ապա պետք է որոշվի Լեռնային Ղարաբաղի կարգավիճակը:

«Դա շատ հեռու է իրականությունից, սա Ադրբեջանի տարածած հերթական ապատեղեկատվությունն է: Ալիևը նույնպես նմանատիպ հայտարություն արեց, պարզապես`այլ խոսքերով, այլ ձևով, բայց  դա չի նշանակում, որ դա իրականություն կարող է երբևէ դառնալ»,- ասաց Մելիքյանը` հավելելով. «Ալիևն ուզում է լարել իրավաիճակը, հավանաբար` նաև գիշերը վատ երազ է տեսել»:

Ի դեպ, հարցին, թե ինչո՞ւ է Սերժ Սարգսյանն այցելել ԼՂՀ,  Գագիկ Մելիքյանը պատասխանեց, որ տեղյակ չէ: