Հռոմի պապը դժվարացել է պատասխանել 12-ամյա աղջկա հարցին

Հռոմի Ֆրանցիսկոս պապն այցելել է Ֆիլիպիններ և մայրաքաղաք Մանիլայում ելույթ ունեցել աշակերտների համար:

Ըստ Siyasihaber3-ի՝ ելույթի ընթացքում ընտանիքի կողմից լքված և եկեղեցում ապրող Գլիզել Փալոմար անունով 12-ամյա աղջկա հարցը նեղ դրության մեջ է գցել Պապին:

Աղջկա հարց է ուղղել. «Շատ երեխաներ թմրամոլ են դառնում, շատերը՝ սեռական շահագործման ենթարկվում: Աստված ինչո՞ւ է աչք փակում, որ նման բաներ են մեզ հետ տեղի ունենում»: Ֆրանցիսկոսը դժվարացել է պատասխանել: Նա ասել է, որ աղջիկը միակն է եղել, որ իրեն ուղղել է պատասխան չունեցող հարց:

Ըստ 2009 թվականին պատրաստված զեկույցի՝ Ֆիլիպիններում փողոցում ապրում է ավելի քան 1 միլիոն 200 հազար երեխա: