Թաեքվոնդո. Արման Երեմյանը` Եվրոպայի փոխչեմպիոն

Շվեյցարիայում ընթացող թաեքվոնդոյի Եվրոպայի առաջնությունում Հայաստանը ներկայացնող  87 կգ քաշային Արման Երեմյանը, հաղթելով ուկրաինացի, իսպանացի, հոլանդացի և սերբ մարզիկներին, նվաճել է  արծաթե մեդալ:

Հիշեցնենք, որ 68 կգ քաշային կարգում հանդես եկող Սերգեյ Վարդազարյանը նվաճել էր բրոնզե մեդալ:

Մայիսի 19-22-ը անցկացվող Եվրոպայի առաջնությունում, թաեքվոնդոյի ՀՀ հավաքականի ավագ մարզիչ Գևորգ Դանիելյանի ղեկավարությամբ, Հայաստանը ներկայացնում են 6 մարզիկ՝ Վարագ Աղաջանյանը (54 կգ), Հայկազ Սամվելյանը (58 կգ), Սերգեյ Ավանեսովը (63 կգ), Սերգեյ Վարդազարյանը (68 կգ), Դավիթ Վարդումյանը (74 կգ), Արման Երեմյանը (87 կգ):