Ադրբեջանի ԱԳՆ-ն բողոքի նամակ է հղել Associated Press-ին

Ադրբեջանի ԱԳՆ-ն բողոքի նամակ է հղել Associated Press-ին Վիեննայում Հայաստանի և Ադրբեջանի նախագահների հանդիպման վերաբերյալ նյութի կապակցությամբ. РИА Новости-ի հայտնել է երկրի ԱԳՆ մամուլի քարտուղար Հիքմեթ Հաջիևը:

«Մեր բողոքը կապված է այն բանի հետ, որ Associated Press-ի պատրաստած նյութում հայերի կողմից օկուպացված Լեռնային Ղարաբաղը ներկայացված է որպես 12 հազար քառակուսի կիլոմետր տարածք»,- ասել է նա` հավելելով, որ «Ադրբեջանին պատկանող ԼՂ-ի տարածքը 4400 քառակուսի կիլոմետր է»:

«Ադրբեջանի մյուս օկուպացված տարածքները 12 600 քառ. կիլոմետր են: Հայաստանի կողմից օկուպացված ընդհանուր տարածքները կազմում են 17 000 քառակուսի կիլոմետր, որը Ադրբեջանի տարածքի 20 տոկոսն է»,- ասել է Ադրբեջանի ԱԳՆ մամուլի քարտուղարը:

Հաջիևը դժգոհ է նաև, որ գործակալության նյութում հակամարտությանը տրվում է կրոնական երանգ: