Associated Press-ն անդրադարձել է ղարաբաղա-ադրբեջանական շփման գծում տիրող իրավիճակին

The Associated Press-ն անդրադարձել է ղարաբաղա-ադրբեջանական շփման գծում տիրող իրավիճակին: Այդ մասին թերթի հոդվածը հրապարակել է նաև The Washington Post-ը:

«Ծանր մարտեր են բռնկվել հայկական և ադրբեջանական ուժերի միջև` Լեռնային Ղարաբաղի շփման գծում»,- գրում է թերթը:

Տեղեկացնելով, որ կողմերը միմյանց են մեղադրում նախահարձակ լինելու մեջ՝ թերթը ԼՂ-ն ներկայացնում է որպես «Ադրբեջանի մի մաս, որն անցել է հայկական կողմի վերահսկողության տակ պատերազմի ավարտից հետո՝ 1994 թվականին»:

Ավելին՝ թերթը, դառնալով ադրբեջանական քարոզչամիջոց, պնդում է, որ հայկական ուժերը «նաև օկուպացրել են» տարածքներ Լեռնային Ղարաբաղից դուրս, որոնք առանձնացված են ապառազմականացված բուֆերային գոտում: «Սակայն երկու կողմերն էլ խախտումների մեջ մեղադրում են միմյանց»,- գրել է թերթը՝ նշելով, որ ԵԱՀԿ-ի ներքո տարիներ տևող բանակցությունների արդյունքում առաջընթաց է եղել վեճի լուծման հարցում:

Նշենք, որ լրատվամիջոցը մի քանի անգամ խմբագրում էր արդեն իսկ տեղադրված տեքստը: