Թուրքիայի մեջլիսում առաջին քվեարկությամբ չի անցել պատգամավորներին անձեռնմխելիությունից զրկելու առաջարկը

Թուրքիայի մեջլիսում երեկ երեկոյան քվեարկության է դրվել Սահմանադրությունում փոփոխություն կատարելու առաջարկը, ըստ որի` նախատեսվում է անձեռնմխելիությունից զրկել այն պատգամավորներին, որոնց վերաբերյալ դատական մարմինների կողմից հետաքննություն է անցկացվում:

Ըստ Haberler-ի` անցկացված առաջին քվեարկության արդյունքները եղել են` 348 կողմ, 155 դեմ, 8 ձեռնպահ, 25 անվավեր: Արդյունքում` չի հաջողվել անցկացնել իշխող «Արդարություն և զարգացում» կուսակցության առաջարկը, քանի որ սահմանադրական փոփոխություն կատարելու համար անհրաժեշտ է, որ 550 պատգամավորներից առնվազն 367 կողմ քվեարկի:

Ըստ սահմանված կարգի` 48 ժամվա ընթացքում կանցկացվի երկրորդ քվեարկությունը:  

Նշենք, որ այս առաջարկին կտրուկ դեմ է արտահայտվել քրդամետ Ժողովուրդների դեմոկրատական կուսակցությունը: