27-ամյա երիտասարդը մահացու վրաերթի է ենթարկել քաղաքացու, ապա բախվել էլեկտրասյանը

Անհայտ քաղաքացուց ոստիկանության Գորիսի բաժնում մայիսի 9-ին, ժամը 20.15-ին ահազանգ է ստացվել, որ Սյունիքի մարզի Վերիշեն գյուղի թիվ 283 տան դիմաց  էլեկտրասյանը ավտոմեքենա է բախվել, վարորդը տեղափոխվել է հիվանդանոց: 

 Այս մասին հայտնում են ՀՀ ոստիկանությունից։

 Պարզվել է, որ նույն օրը, ժամը 19.40-ի սահմաններում, 1989 թ. ծնված Մուշեղ Մ.-ն իր վարած «Միցուբիշի Պաջերո» մակնիշի ավտոմեքենայով Վաղատու-Վերիշեն ճանապարհին՝ «Աջո» կոչվող տաղավարի հարակից հատվածում, վրաերթի է ենթարկել 1988 թ. ծնված Գուրգեն Միրումյանին, ապա նրան 1982 թ. ծնված Ալիկ Մ.-ն իր վարած «Մերսեդես-Բենց» մակնիշի ավտոմեքենայով, արդեն մահացած տեղափոխել է հիվանդանոց, այդ ընթացքում Մուշեղ Մ.-ն իր ավտոմեքենայով երթևեկել է Ալիկ Մ.-ի ավտոմեքենայի հետևից և Վերիշեն գյուղի 1-ին փողոցի 53-րդ տան դիմացի ճանապարհահատվածում բախվել բետոնե էլեկտրասյանը, ինչի հետևանքով անգիտակից վիճակում տեղափոխվել է հիվանդանոց:

 Կատարվում է քննություն: