300 եվրո` հղիության ընթացքում չծխելու դիմաց

Ֆրանսիայում պատրաստվում են մինչև 350 եվրո գումար վճարել կանանց` հղիության ընթացքում չծխելու դիմաց:

Ըստ Demokrathaber-ի`սույն ծրագիրը կիրագործվի ծխող հղի կանանց վերաբերյալ գիտափորձից հետո, որը կանցկացվի Եվրոպայում, հատկապես` Ֆրանսիայում, ուր ծխող հղի կանանց ամենաբարձր ցուցանիշն է գրանցվել:

BBC-ի հաղորդմամբ` սկզբնական շրջանում հղիներին կվճարվի 30-ական եվրո, գումարը գնալով կաճի` հասնելով 350-ի` ծխախոտի օգտագործումը լիովին դադարեցնելու դեպքում: Փորձի նպատակն  պարզել` գումարի դիմաց հղիները կկարողանա՞ն հրաժարվել ծխախոտից, թե՞ ոչ: Գիտափորձին կարող են մասնակցել 18 տարին բոլորած և ամենաքիչը 4 ամսական հղիները, ովքեր օրական ավելի քան 5 ծխախոտ են ծխում:

Ըստ նախորդ տարվա տվյալների` Ֆրանսիայում յուրաքանչյուր հինգ կանանցից մեկը հղիության ընթացքում չի հրաժարվել ծխախոտից:

Հիշեցում` հղիության ընթացքում ծխախոտի օգտագործումը մեծացնում է վիժելու հավանականությունը: