Ծեծկռտուք` կանանց մասնակցությամբ` Էրեբունու դատարանում

Էրեբունի և Նուբարաշեն համայնքների դատախազությունը նույն շրջանների դատարան է ուղարկել երկու կանանց ծեծկռտուքի վերաբերյալ գործը: Մեղադրական եզրակացության համաձայն` կանանցից մեկը Էրեբունի և Նուբարաշեն վարչական շրջանների ընդհանուր իրավասության դատարանի նիստերի դահլիճում վիճաբանության ընթացքում բռնություն է գործադրել մյուսի նկատմամբ, ծեծի է ենթարկել` պատճառելով ֆիզիկական ցավ: 

Ըստ մեղադրական եզրակացության` մյուս կնոջն էլ պատճառվել է առողջությանը թեթև վնասի հատկանիշներ չպարունակող մարմնական վնասվածք: Երկուսի նկարմամբ էլ քրեական գործ է հարուցվել ՀՀ ՔՕ 118-րդ (ծեծը) հոդվածի հատկանիշներով, նրանց նկատմամբ, որպես խափանման միջոց է ընտրվել չհեռանալու մասին ստորագրությունը: