Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Երրորդմասցի Լյովիկի և նրա ընկերների սպանության գործով այսօրվա դատական նիստում, երբ հարցաքննվում էր գործով առանցքային նշանակություն ունեցող վկա Վահագան Մնացականյանը, միջադեպ արձանագրվեց: Երրորդմասցի Լյովիկի հայրը՝ Միհրան Ղազարյանը, դատարանում անհարգալից վերաբերմուք դրսեւորեց գործով ամբաստանյալների պաշտպան Լուսինե Սահակյանի նկատմամբ: Մասնավորապես` տուժողի հայրը Սահակյանին ասաց, որ հեռու նստի ամբաստանյալներից եւ «չփաթաթվի հանցագործին»: Փաստաբանը պահանջեց հարգալից խոսել, սակայն Ղազարյանը շարունակեց վիրավորել նրան:
Նիստը նախագահող դատավոր Արտուշ Գաբրիելյանը նախազգուշացրեց տուժողի իրավահաջորդին, սակայն տուժողի հայրը կրկնեց նույն արտահայտությունը: Դատավորը տարեց տղամարդուն կրկին նախազգուշացրեց՝ ասելով. «Ես հարգում եմ ձեր սպիտակ մազերը, բայց խնդրում եմ հաջորդ անգամ չխանգարել»:
Պաշտպաններ Լուսինե Սահակյանը և Երվանդ Վարոսյանը դատարանին խնդրեցին սանկցիա կիրառել տվյալ անձի նկատմամբ, սակայն դատարանը բավարարվեց միայն նախազգուշացմամբ: Պաշտպանները լքեցին դատական նիստերի դահլիճը՝ հայտարարելով, որ քանի դեռ տվյալ անձը գտնվում է դահլիճում, իրենք այնտեղ չեն լինի: Նիստը հետաձգվելուց հետո էլ Լևոն Ղազարյանի հայրը ամբաստանյալներին հանցագործ անվանեց: