Ի՞նչ տարածքների հանձնում, ուզում են այս մի կրնկի տե՞ղն էլ չունենանք

Այս օրերին բոլորը մի բանի մասին են խոսում, որ մեր զինվորն ամենակարգապահն է: «Հիմա ես էլ ուզում եմ հարցնել` ե՞րբ է մեր իշխանությունն էլ ամենակարգապահ դառնալու»,- լրագրողների հետ հանդիպման ժամանակ նման հարցադրումով հանդես եկավ Երևանի ավագանու «Բարև Երևան» խմբակցության և «Ժառանգություն» կուսակցության անդամ Անահիտ Բախշյանը:

Նա նշեց, որ, ըստ Համաշխարհային բանկի հրապարակման, Հայաստանում աղքատությունը հասել է 76 տոկոսի, և բնական է, որ զոհված զինվորների մեծ մասն անապահով ընտանիքից է:

Ինչ վերաբերում է լուրերին, թե առաջիկայում նախագահը հանդես կգա կոչով, ապա Բախշյանը սպասում է, որ նախագահը կհստակեցնի, թե Ղարաբաղի հարցով ինչ ելք է տեսնում:

«Իսկ երեկ ռուսական կողմի տարածած լուրերին, թե ԼՂ հարցի լուծումը կլինի Ղարաբաղում տարածքների հանձնմամբ, ապա դա ուղղակի անհնար է: Վստահ եմ` զինվորականները երբեք չեն համաձայնի և արդեն գիտեն` ինչ անել, որպեսզի ռուսական «փայլուն» մտքերը ուղեղների մեջ էլ մնան: Ի՞նչ է, ուզում են այս մի կրնկի տե՞ղն էլ չունենանք»,- ասաց Բախշյանը: