«Զինվորիս հետ» նախագծի շրջանակներում արդեն 12 մլն դրամ է հավաքվել

Հայաստանի ազգային ֆիլհարմոնիկ նվագախմբի (գեղարվեստական ղեկավար և գլխավոր դիրիժոր՝ Էդուարդ Թոփչյան) նախաձեռնությամբ` ապրիլի 9-ին «Կասկադ» համալիրում կայացած «Զինվորիս հետ» խորագրով բացօթյա համերգ-դրամահավաքի արդյունքում, զոհված զինվորների և ազատամարտիկների ընտանիքներին տրամադրելու նպատակով, հավաքվել է 5.210.000 (հինգ միլիոն երկու հարյուր տասը հազար) ՀՀ դրամ:

«Զինվորիս հետ» նախագծին են միացել նաև ՀՀ մշակույթի նախարարության ենթակայությամբ գործող հետևյալ ՊՈԱԿ-ների աշխատակիցները`

Ա. Սպենդիարյանի անվան օպերայի և բալետի ազգային ակադեմիական թատրոն,

Հայաստանի ազգային ֆիլհարմոնիկ նվագախումբ,

Գ. Սունդուկյանի անվան ազգային ակադեմիական թատրոն,

Կ. Ստանիսլավսկու անվան պետական դրամատիկական թատրոն,

Հ. Պարոնյանի անվան երաժշտական կոմեդիայի պետական թատրոն,

Համազգային թատրոն,

Հայաստանի ազգային կինոկենտրոն,

Կամերային երաժշտության ազգային կենտրոն,

Հայաստանի պետական ֆիլհարմոնիա,

Հայաստանի պարի պետական համույթ,

Խամաճիկների պետական թատրոն,

Թ. Ալթունյանի անվան Հայաստանի երգի-պարի պետական վաստակավոր անսամբլ,

Հայաստանի պարարվեստի «Բարեկամություն» պետական համույթ,

Հայաստանի ազգային պատկերասրահ,

Հայաստանի պատմության թանգարան,

Պատմամշակութային արգելոց-թանգարանների և պատմական միջավայրի պահպանության ծառայություն,

Հայաստանի ազգային գրադարան:

Վերջիններիս կողմից հանգանակված գումարը կազմում է 6.859.500 (վեց  միլիոն ութ հարյուր հիսուն ինը հազար հինգ հարյուր) ՀՀ դրամ:

Ընդհանուր՝ 12.069.500 (տասներկու միլիոն վաթսուն ինը հազար հինգ հարյուր) ՀՀ դրամ:

«Զինվորիս հետ» ակցիան շարունակվում է: