Թատրոնի օրվան ընդառաջ` թատերարվեստի գործիչները պարգևատրվեցին

Մարտի 27-ին` Թատրոնի միջազգային օրվանն ընդառաջ ՀՀ մշակույթի նախարարությունը պարգևատրեց թատերարվեստի գործիչներին: ՀՀ մշակույթի փոխնախարար Արթուր Պողոսյանը նշեց, որ մենք ունենք հազարամյակներից եկող թատերական ավանդույթներ.«Թատրոնը մեզ համար եղել է բոլոր արատների, հաջողությունների ցուցադրման վայր, ուսուցանող միջավայր հասարակության համար: Թատրոնի օրն, իսկապես, տոն է ոչ միայն թատերարվեստի գործիչների, այլ` բոլորի համար»:

ՀՀ մշակույթի նախարարության «Ոսկե մեդալ»-ով պարգևատրվեցին` Սերգեյ Մաղալյանը, Զավեն Աբրահամյանը, Լիլիթ Աբելյանը, Արման Նավասարդյանը, Մարինե Պետրոսյանը, Յուրի Կոստանյանը, Արթուր Պապիկյանը, Հարություն Մինասյանը, Լևոն Մելոյանը, Հայկուհի Խուդավերդյանը, Աշոտ Սարգսյանը, Ագնեսա Շահնազարյանը:

Մշակույթի նախարարության պատվոգրով և շնորհակալագրով նույնպես պարգևատրվեցին թատերարվեստի մի շարք գործիչներ: