Շրջակա միջավայրի համաշխարհային օրվան ընդառաջ

Վաղը նշվում է Շրջակա միջավայրի համաշխարհային օրը: Այդ կապակցությամբ ՄԱԿ-ի գլխավոր քարտուղար Պան Գի Մունը ուղերձ է հղել կազմակերպության անդամ երկրների ղեկավարներին:

«Վերջին երկու տասնամյակների ընթացքում տեղի են ունեցել աշխարհաքաղաքական եւ շրջակա միջավայրի փոփոխություններ: Ասիայում, Լատինական Ամերիկայում եւ հատկապես Աֆրիկայում միլիոնավոր մարդիկ հաղթահարել են աղքատությունը: Սակայն, ըստ որոշ փաստերի, հիմնարար եւ հավանականորեն անդարձելի փոփոխություններ են գրանցվել առաջընթացին նպաստելու` երկիր մոլորակի հնարավորությունների հարցում»,- ուղերձում նշել  է ՄԱԿ-ի գլխավոր քարտուղարը:

Նա նաեւ ընդգծել է, որ աղքատության կրճատման, սննդի երաշխավորման եւ անվտանգության, ինչպես նաեւ մոլորակի աճող բնակչության համար պատշաճ աշխատատեղերի ապահովման համար հարկավոր է «մեր բնական կապիտալը խելացի օգտագործել»:

Նշենք, որ տարվա Շրջակա միջավայրի համաշխարհային օրվա թեման է «Անտառներ. բնությունը քո ծառայության տակ»: