Իրանցիները Երևանում իրար են ծեծել

Մարտի 20-ին` ժամը 18.45-ին, հիվանդանոցից ոստիկանության Կենտրոնականի բաժնում հաղորդում էր ստացվել, որ մարմնական վնասվածքներով բուժօգնության է տեղափոխվել ԻԻՀ քաղաքացի Հուսեյն Զ.-ն, ով հայտնել է, որ Ռոստոմի փողոցի 29 շենքի բնակարաններից մեկում վայր է ընկել:

Ոստիկանության ծառայողների ձեռնարկած միջոցառումներով պարզվել է, որ նա վնասվածքները ստացել է հիշյալ բնակարանում իր ազգական Ջավադ Վ.-ի հետ վիճաբանելու ժամանակ՝ ձեռքերով իրար հարվածներ հասցնելու հետևանքով: 

Մարտի 21-ին, ժամը 00.30-ին, Ջավադ Վ.-ն Ռոստոմի փողոցի 29 շենքի բակից բերման է ենթարկվել բաժին և տվել խոստովանական բացատրություն: Կատարվում է հետաքննություն: