Բելառուսի մասնակիցը «Եվրատեսիլ»-ի բեմ մերկ դուրս կգա

«Եվրատեսիլ-2016»-ի` Բելառուսը ներկայացնող մասնակիցը պատրաստվում է ապշեցնել հեռուստադիտողին և ժյուրիին. հայտնում է Вести.ру-ն: Ալեքսանդր Իվանովը բեմ դուրս կգա մերկ` գիշատիչ գայլերի ուղեկցությամբ: Այդ մասին պատմել է երգչի պրոդյուսեր Վիկտոր Դրոբիշը:

Նա այսպես է պարզաբանել համարի հիմնական գաղափարը. «Յուրաքանչյուր մարդ նմանեցնում է իրեն ինչ-ոչ տոտեմ կենդանու: Երբեմն մենք ճնշում ենք նրան մեր մեջ, սակայն ամեն մեկը չէ, որ կարող է դեմ առ դեմ հանդիպել նրա հետ: Մենք ցանկանում ենք, որ բոլորը զգան մարդու և բնության միջև նուրբ սահմանը»:

Իվանովը կկատարի  Help You Fly երգը:

Ներկայումս շվեդական կողմի հետ բանակցություններ են տարվում` գայլերին բեմ հանելու թույլտվություն ստանալու համար: