Պոռնկության կասկածանքով բերման ենթարկվածը հայհոյել է Շենգավիթի ոստիկաններին

Դատարանում է Երևանի բնակչուհու կողմից խուլիգանություն կատարելու վերաբերյալ հարուցված քրեական գործը: Համաձայն մեղադրական եզրկացության՝ Դ. Մ.-ն նախորդ տարվա դեկտեմբերին, պոռնկությամբ զբաղվելու կասկածանքով բերված լինելով ՀՀ ոստիկանության ԵՔՎ Շենգավիթի բաժին, դիտավորությամբ կոպիտ կերպով խախտել է հասարակական կարգը և, բացահայտ անհարգալից վերաբերմունք դրսևորելով ոստիկանության աշխատակիցների նկատմամբ, ոստիկանության Շենգավիթի բաժնի առաջին հարկի միջանցքում շուրջ 10 րոպե տևողությամբ սեռական բնույթի հայհոյանքներ է տվել ոստիկանության աշխատակիցների հասցեին` խաթարելով ոստիկանության աշխատակիցների բնականոն աշխատանքը:

Կնոջը մեղադրանք է առաջադրվել ՀՀ ՔՕ 258-րդ հոդվածի 1-ին մասի՝ խուլիգանության հատկանիշներով: Նրա նկատմամբ, որպես խափանման միջոց, ընտրվել է չհեռանալու մասին ստորագրությունը: