Արծվիկ Մինասյանը ներկայացրեց Գյումրու և Վանաձորի տեխնոլոգիական կենտրոնների զարգացման ծրագիրը

Այսօր կառավարության նիստում էկոնոմիկայի նախարար Արծվիկ Մինասյանը ներկայացրեց Գյումրու և Վանաձորի տեխնոլոգիական կենտրոնների գործունեության և միջոցառումների ծրագիրը:

Նա նշեց, որ երկու քաղաքներում տեխնոլոգիական կենտրոնների կառուցման և զարգացման համար մինչ հիմա կատարվել են զգալի աշխատանքներ: Սկզբում ստեղծվել է Գյումրու տեխնոլոգիական կենտրոնը, այս պահի դրությամբ այնտեղ գործում են 23 տեղական ու օտարերկրյա կազմակերպություններ, ինչը, միջազգային ցուցանիշների համաձայն, համարվում է լավագույն արդյունք:Ըստ այդ ծրագրի` նախատեսվում է ստեղծել 120 նոր աշխատատեղ, 160 աշակերտ վերապատրաստվել է արդեն այդ կենտրոնում: 2016-ի համար առաջարկվում է շարունակել աշխատանքները Գյումրու տեխնոլոգիական կենտրոնում և ավելացնել ցուցանիշները:

Ինչ վերաբերում է Վանաձորի տեխնոլոգիական կենտրոնին, ապա 2015թ. շինարարական աշխատանքներ են իրականացվել այնտեղ, հիմա փորձ է արվում այն հասցնել Գյումրու տեխնոլոգիական կենտրոնի մակարդակին: