Վանաձորի շահը գերակա է. ՀՅԴ Վանաձորի քաղաքային կոմիտեի հայտարարությունը

ՀՅԴ Վանաձորի քաղաքային կոմիտեն, քննարկելով Վանաձոր քաղաքի հիմնախնդիրները, դրանց առաջնահերթություններն ու հնարավոր լուծումները, Վանաձորի Ավագանու գործունեությունը և նրա հետ կապված հանրային շահարկումները, ինչպես նաև կոմիտեն լինելով Վանաձոր քաղաքում կուսակցության գործունեության պատասխանատու մարմին, կաշկանդված չլինելով ՏԻՄ համագործակցության հուշագրով և Վանաձորի ավագանիում իր համամասնությամբ, գերակա համարելով Վանաձորի շահը, հայտարարում է.

 1. Վանաձոր քաղաքը և վանաձորցիները տևական ժամանակ ճգնում են, տարիներ շարունակ սպասելով կուտակված խնդիրների լուծմանը:

2. Քաղաքը 2016թ. ՏԻՄ ընտրություններից հետո «պատանդ» է դարձել ավագանում ներկայացված կուսակցությունների քաղաքական և իրավական շահարկումներին, կապված ավագանու իրավական կարգավիճակի և նրա գործունեության հետ:

3. Քաղաքային կոմիտեն և Վանաձորի ավագանու ՀՅԴ ֆրակցիան Վանաձորի հիմնախնդիրների լուծման նպատակով հանդես կգան միասնական ծրագրով: