Էլինար Վարդանյանը չբացառեց անդամակցությունը Օսկանյանի կուսակցությանը

ԱԺ պատգամավոր Էլինար Վարդանյանը Վարդան Օսկանյանից հրավեր չի ստացել՝ անդամակցելու նրա նորաստեղծ կուսակցությանը: «Այս պահին ես պարոն Օսկանյանից հրավեր չունեմ, հրավեր լինելու դեպքում կքննարկեմ հարցը: Որևէ բան չեմ բացառում»,-լրագրողների հետ զրույցում ասաց նա:

Պատգամավորը նշեց, որ ողջունում է Վարդան Օսկանյանի` կուսակցություն հիմնելու որոշումը, քանի որ կարծում է, որ նախկին արտգործնախարարը լրջագույն դերակատարություն է ունեցել հայ քաղաքականության մեջ:

Դիտարկմանը, թե Օսկանյանի անունը կապվում է Մարտի 1-ի հետ, Վարդանյանն արձագանքեց, որ այս հարցը շահարկելը ճիշտ չէ:

Խոսելով Ռոբերտ Քոչարյանի` Վարդան Օսկանյանի կուսակցությանն անդամակցելու հնարավորության մասին, պատգամավորն ընդգծեց, որ կսահմանափակվի Վարդան Օսկանյանի`այդ մասին արած հայտարարությամբ: Հիշեցնենք, որ Օսկանյանը հերքել էր Քոչարյանի եւ նոր կուսակցության կապը, բայցեւ հայտարարել. «Ես ինձ չեմ դնելու այն վիճակի մեջ, որ անընդհատ ինձ տարանջատեմ Քոչարյանից»: