Էրդողանի կուսակցությանը տրամադրվել է 238, իսկ քրդամետ կուսակցությանը՝ ընդամենը 6 քարոզչական ժամ

Թուրքիայի պետական հեռուստաալիք TRT-ն խտրականություն է դրել արտահերթ խորհրդարանական ընտրությունների համար քարոզչություն իրականացնող կուսակցությունների միջև:

Ըստ Demokrathaber-ի՝ վերջին 25 օրերի ընթացքում արտահերթ խորհրդարանական ընտրությունների քարոզչության համար նախագահ Էրդողանի ելույթներին տրամադրվել է 138, «Արդարություն և զարգացում» կուսակցությանը՝ 238, Ժողովրդա-հանրապետական կուսակցությանը՝ 21, իսկ քրդամետ Ժողովուրդների դեմոկրատական կուսակցությանը՝ ընդամենը 6 ժամ:

Հիշեցնենք, որ նույն պատճառով դժգոհության ալիք էր բարձրացել նաև հունիսի 7-ի խորհրդարանական ընտրությունների քարոզարշավի ժամանակ: