Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
ՀՀ պաշտպանության նախարար Սեյրան Օհանյանը դեկտեմբերի 26-ին Վանաձորում մասնակցել է սպաների ու նրանց ընտանիքների համար նախատեսված ծառայողական բնակարանների հանձնման հանդիսավոր արարողությանը, որին ներկա են եղել նաև տեղական ինքնակառավարման մարմինների ներկայացուցիչներ, այլ բարձրաստիճան զինվորականներ:
Ինչպես տեղեկացնում է ՀՀ պաշտպանության նախարարության տեղեկատվության և հասարակայնության հետ կապերի վարչությունից, Սեյրան Օհանյանը, շնորհավորելով սպաներին և նրանց ընտանիքների անդամներին բնակարանամուտի կապակցությամբ, նշել է, որ զինծառայողների բնակարանային պայմանների բարելավումն ու սոցիալ-կենցաղային հարցերը մշտապես գտնվում են հանրապետության և ԶՈՒ ղեկավարության ուշադրության կենտրոնում, և արվում է հնարավոր ամենը, որպեսզի զինծառայողները, իրենց թիկունքում զգալով պետական հոգացությունը և զերծ մնալով կենցաղային խնդիրներից, բարեխղճորեն կատարեն ծառայողական պարտականությունները:
Գուգարաց թեմի առաջնորդ Սեպուհ արքեպիսկոպոս Չուլջյանը անցկացրել է բնակելի շենքի տնօրհնեքի արարողությունը:
Խորհրդանշական կարմիր ժապավենի հատման հանդիսավոր արարողությունը Սեյրան Օհանյանը իրականացրել է բնակարանամուտը տոնող սպաների երեխաների հետ միասին:
Պաշտպանական գերատեսչության ղեկավարը, օգտվելով ընձեռված հնարավորությունից, սպաներին և նրանց ընտանիքների անդամներին շնորհավորեց գալիք Ամանորի և Սուրբ ծննդյան տոների կապակցությամբ, մաղթեց արգասաբեր և հայրենանվեր գործունեությամբ բեղուն տարի: