Վարորդին վարչական ակտի օրինակը պետք է տեղում տան. Էդուարդ Հովհաննիսյան

«Վարչական իրավախախտումների մասին» ՀՀ օրենսգրքում փոփոխություններ և լրացումներ կատարելու մասին օրենքի նախագիծը հավանությսն է արժանացել «Աքիլլես» ավտովարորդների իրավունքների պաշտպանության կենտրոն» հասարակական կազմակերպության կողմից: Այս մասին այսօր լրագրողներին հայտնեց ՀԿ-ի նախագահ Էդուարդ Հովհաննիսյանը: Ըստ նրա` կատարված փոփոխությունները կբարելավեն վարորդների վիճակը:

Հովհաննիսյանը նշեց, որ փոփոխությունների փաթեթում կան նաև բացասական կետեր: Մասնավորապես` առանց հաշվառման համարանիշի, կեղծ համարներով երթևեկող վարորդների համար նախատեսված է 100.000 դրամ տուգանքը 200.000 դրամի հասցնելը:

Անդրադառնալով հարցին, թե ինչպե՞ս է որոշվելու` վարորդը դիտավորյա՞լ է արգելված վայրում կայանել մեքենան, թե՞ ոչ, Հովհաննիսյանն ասաց, որ նախադեպեր կլինեն, ըստ այդմ էլ կորոշեն:

Խոսելով տուգանքների համաչափության մասին` Հովհաննիսյանն ասաց, որ պետք է քաղաքացուն տեղում տրամադրվի վարչական ակտի օրինակը, որպեսզի նա հետո` վիճարկելիս ստիպված չլինի դիմում գրել:

«Այսօր այնպես է ստացվում, որ պետավտոտեսուչը որքան շատ է տուգսնք բերում, այնքան լավ, բայց տուգանքի նպատակը պետք է լինի կանխաևգելելը, ոչ թե պատժելը»,- ասաց նա:

Է. Հովհաննիսյանի խոսքով` Հայաստանը չի կատարում Ճանապարհային երթևեկության մասին կոնվենցիայի դրույթներից մեկը և ճանապարհային երթևեկության կանոնների ուսուցումը դպրոցներում ու մանկապարտեզներում պարտադիր չի դարձնում: