ՄԱԿ-ի ԱԽ-ն միաձայն հաստատել է Սիրիայի հակամարտության խաղաղ կարգավորման պլանը

ՄԱԿ-ի Անվտանգության խորհուրդը միաձայն հավանության է արժանացրել  նախագիծը, որը կոչված է հաստատել նախկինում Վիեննայում ընդունված պայմանավորվածությունները  սիրիական հարցի կարգավորման վերաբերյալ. հայտնում է РИА Новости-ն:

Փաստաթուղթը, մասնավորապես, ենթադրում է Դամասկոսի և ընդդիմության բանակցությունների մեկնարկ՝ հունվարից, դա իր վրա կվերցնի ՄԱԿ-ը:

Ենթադրվում է 6 ամսվա ընթացքում ձևավորել անցումային իշխանություններ, որոնք կներկայացնեն հասարակության բոլոր հատվածները: Այնուհետև 18 ամսվա ընթացքում պետք է կայանան ազատ ու արդար ընտրություններ:

Նշվում է նաև Սիրիայում ԻՊ-ի ահաբեկչությունների կանխարգելման կարևորությունը: