1 տոննա 851 կգ թմրանյութ. իրականացվել են Թուրքիայի պատմության մեջ հակաթմրանյութային ամենամեծ գործողությունները

Թուրքիայի ՆԳ նախարարության հրահանգով` Հաթայում իրականացվել են Թուրքիայի պատմության մեջ ամենամեծ հակաթմրանյութային երկու գործողությունները, որոնց ընթաղքում ոստիկանությունն առգրավել է թմրանյութի 10 միլիոն 926  հաբ (1 տոննա 831 կգ):

Ինչպես տեղեկացնում է AA-ն, լայնածավալ գործողությունն իրականացվել է նոյեմբերի 18-ին: Թուրքական կողմը նշում է, որ առգրավված թմրանյութն արտադրվել է Սիրիայում, այն նախատեսվում էր Թուրքիայից արտահանել Պարսից ծոցի երկրներ: Առաջին գործողության ընթացքում առգրավվել է 7 միլիոն 326 հազար, իսկ երկրորդ գործողության ժամանակ՝ 3 միլիոն 600 հազար հաբ:

Գործողությունների ընթացքում ձերբակալվել են թմրանյութերի՝ այլ երկրներ արտահանումը կորդինացնող` սիրիական ծագումով երկու մարդ: Ձերբակալվել է նաև Թուրքիայի երկու քաղաքացի: