Երևանում մայրը 29-ամյա դստերը կախված է հայտնաբերել

Նոյեմբերի 16-ին, ժամը 13.23-ին ահազանգ է ստացվել, որ Երևանի Ազատության պողոտայի «Զովք» սուպերմարկետի մոտակայքում գտնվող շենքերից մեկի բնակիչ Լ. Ա.-ն, սպառնում է ինքնասպան լինել. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Տեղեկություն է ստացվել, որ Լ. Ա.-ն բնակվում է Ազատության պողոտայի թիվ 12/2 շենքի 46-րդ բնակարանում:

Հրշեջ-փրկարարներն ազգականի տրամադրած բանալիով բացել են բնակարանի դուռը. պատշգամբի ներկառուցված պահարանի երկաթյա կառուցատարրից կախված հայտնաբերվել է 1986թ. ծնված Լ. Ա.-ի դին: 

Shamshyan.com-ի տեղեկացմամբ` նրան տանը հայտնաբերել է մայրը, ով ահազանգել է ոստիկանություն և փրկարար ծառայություն: Ըստ տեղեկությունների՝ Լ. Ա-ն Facebook սոցիալական ցանցի միջոցով իր ընկերոջը տեղեկացրել է, որ ինքն ինքնասպան է լինելու: