Թուրքիայում ՆԳՆ պաշտոնյան որոշել է Տիգրանակերտի 3 թաղամաս վերացնել քարտեզի վրայից

Ներկայիս Թուրքիայի տարածքում գտնվող հայկական Տիգրանակերտ (Դիարբեքիր) քաղաքի Սիլվան շրջանում արդեն 8-րդ օրն է, ինչ արգելված է փողոց դուրս գալ:

Ըստ Dmeokrathaber-ի՝ քաղաքի տարբեր թաղամասերում շարունակվում են թուրք ոստիկանների և քուրդ զինյալների միջև բախումները, որոնց ընթացքում զոհեր և վիրավորներ են գրանցվում, հրկիզվում են բնակարաններ:

Evrensel կայքի հաղորդմամբ՝ քրդամետ Ժողովուրդների դեմոկրատական կուսակցության՝ Տիգրանակերտից պատգամավոր Զիյա Փիրը հայտնել է, որ շրջանում սարսափելի տեսարան է: Ըստ նրա՝ ՆԳՆ պաշտոնյաներից մեկն իրենց ասել է. «Մենք Սիլվանի երեք թաղամաս վերացնելու ենք քարտեզի վրայից»:  

Փիրի խոսքով՝ Սիլվանում հատուկջոկատայինները կրակ են բացում ամեն ինչի վրա:

«Պետությունը պետք է բանակցությունների գնա, այլ ճանապարհ չկա: Առաջ էլ չկար, հիմա էլ»,- ասել է քրդամետ պատգամավորը: