Ի՞նչ է գիշերը կատարվել «Նուբարաշեն» ՔԿՀ-ում

Երեկ գիշեր իրավապաշտպան Ժաննա Ալեքսանյանին են ահազանգել դատապարտյալների հարազատներ և հայտնել, որ գիշերն ինչ-որ դիմակավորված անձինք ներխուժել են ՔԿՀ-ի 6-րդ մասնաշենք ու քարուքանդ արել դատապարտյալների խցերը: Ընդ որում՝ ըստ տեղեկությունը փոխանցողի, այդ ամենը կատարվել է երկու անգամ:

Ահազանգից հետո քրեակատարողական հիմնարկ են այցելել ՄԻՊ-ի ներկայացուցիչները, սակայն որևէ խախտում չեն արձանագրել:

Այս կապակցությամբ yerkir.am-ը պարզաբանում խնդրեց քրեակատարողական վարչությունից: Մեզ հետ զրույցում հանրային կապերի պատասխանատու Գոռ Ղլեչյանը հայտնեց, որ նկարագրվածի 90 տոկոսն իրականությանը չի համապատասխանում, և քիչ հետո ՔԿՀ վարչությունը հանդես կգա պարզաբանմամբ: