կարևոր
2125 դիտում, 6 ամիս առաջ - 2023-10-30 14:57
Քաղաքական

SOS! Հացադուլ և դեղադուլ Նուբարաշեն ՔԿՀ-ում․ Լիլիթ Գալստյան

SOS! Հացադուլ և դեղադուլ Նուբարաշեն ՔԿՀ-ում․ Լիլիթ Գալստյան

Շաբաթավերջին գործընկերներիս հետ այցելեցինք Նուբարաշեն քրեակատարողական հիմնարկ՝ տեսակցելու ակնհայտորեն քաղաքական դրդապատճառներով կալանավորված ՀՀ քաղաքացիներին։

Սեպտեմբերի 19-ի և 20-ի դեպքերով երկամսյա կալանքի ռեժիմում գտնվող Ա․ Ա-ին տեսնել չկարողացանք․ պարզվեց վերջինս մեկուսացման մեջ է։ Ըստ մեզ հասած հավաստի տեղեկությունների՝ նրա առողջական վիճակը մեկուսացում է ենթադրում, նաև հատուկ բուժման ընթացք պահանջում։

Բնականաբար, քրեակատարողական հիմնարկի պայմաններն անհամատեղելի են տվյալ հիվանդության հետ։

ՆԵՐԿԱՅՈՒՄՍ Ա․ Ա-ն ՀԱՑԱԴՈՒԼ և ԴԵՂԱԴՈՒԼ Է ՀԱՅՏԱՐԱՐԵԼ, ԻՆՉԸ ԿԱՐՈՂ Է ՃԱԿԱՏԱԳՐԱԿԱՆ ՀԵՏԵՎԱՆՔԻ ՀԱՆԳԵՑՆԵԼ։

Հաշվի առնելով հանգամանքը, որ Ա․ Ա-ի հիվանդությունն անհամատեղելի է կալանքի հետ, ես և պատգամավոր Արման Ղազարյանը դիմել ենք ՀՀ ԳԼԽԱՎՈՐ ԴԱՏԱԽԱԶ ԱՆՆԱ ՎԱՐԴԱՊԵՏՅԱՆԻՆ, ՀՀ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ԳՐԻԳՈՐ ՄԻՆԱՍՅԱՆԻՆ, ՔՆՆՉԱԿԱՆ ԿՈՄԻՏԵԻ ՆԱԽԱԳԱՀ ԱՐԳԻՇՏԻ ՔԱՐԱՄՅԱՆԻՆ՝ առաջարկելով քննարկման առարկա դարձնել խափանման միջոցի փոփոխման հարցը։

Դե, տեսնենք, թե հերթական անգամ ինչպիսին է իրավապաշտպան ՀԿ-ների արձագանքը․․․

 

Լիլիթ Գալստյան

ՀՅԴ Գերագույն մարմնի անդամ,

ՀՀ ԱԺ «Հայաստան» խմբակցության պատգամավոր