«Չտեսության գագաթնակետ». Էրդողանի նստավայրի ոսկեզօծ բազկաթոռները՝ քննադատությունների թիրախում

Տեղեկացրել ենք, որ Թուրքիայի նախագահ Էրդողանն ընդունել է Գերմանիայի կանցլեր Անգելա Մերկելին:

Ըստ Demokrathaber-ի՝ համացանցում քննադատությունների և ծաղրուծանակի առարկա են դարձել Էրդողանի նստավայրի՝ գահ հիշեցնող ոսկեզօծ բազկաթոռները:

Օգտատերերից մի քանիսը գրել են`

«Եթե մեզ մոտ էլ նման բազկաթոռ լիներ, մենք այլեւս վեր չէինք կենա»,

«Միջին դարերո՞ւմ ենք»,

«Չտեսության գագաթնակետ»,

«Այսքան անճաշակություն...սրտխառնոց է առաջացնում»:

Օգտատերերից մեկը Էրդողան-Մերկել հանդիպման լուսանկարներից մեկը ծաղրանկարի է վերածել, որում երկխոսությունն այսպես է ընթանում`

Էրդողան. -Մեզ երեք միլիարդ եվրո է պետք, ո~վ Մերկել
Մերկել. -Բազկաթոռները ձուլեք, կեսը դուրս կգա, ա~յ Էրդողան:

Հիշեցնենք, որ Էրդողանի նստավայրի կառուցումից մինչ օրս խոսակցություններ են շրջանառվում, թե նստավայրում զուգարանակոնքերն անգամ ոսկեզօծ են: