Ցինիզմի գագաթնակետ

Ադրբեջանական ցինիզմն ու զեղծարարությունն այն աստիճան են հասել, որ այս անգամ պաշտոնական մակարդակով Ադրբեջանը որոշել է մատ թափ տալ «Միր» միջպետական հեռուստաընկերության վրա: Պաշտոնական Բաքուն այն կարծիքին է, որ հեռուսաընկերությունը սադրանքի է գնացել` Հայաստանին նվիրված վավերագրական ֆիլմում օգտագործել է ադրբեջանական երաժշտություն:

Իրականում եթեր հեռարձակված վավերագրական ֆիլմում հնչել են Կոմիտասի շատ հայտնի պարեղանակները:

Ադրբեջանցիները բողոք-նամակ են հղել հեռուստաընկերության ղեկավարությանը` պահանջելով ֆիլմի մեղեդին փոխարինել մեկ ուրիշով:

Հուսով ենք` ֆիլմի հեղինակներն այնքան բանիմաց կլինեն, որ կիմանան` Կոմիտասը հայ է, այն էլ` հայ հոգեւորական, հայ երգի բանահավաք, եւ  արժանի պատասխան կտան զեղծարարներին: