Բելառուսում նախագահական ընտրություններ են

Բելառուսում այսօր նախագահական ընտրությունների հիմնական փուլն է: Ընտրական հանձնաժողովի տվյալներով վաղ առավոտյան բացվել են 6129 ընտրատեղամասերը, որոնցից 29-ն այդ երկրի տարածքից դուրս են գտնվում: 

Երկրի նախագահի արտահերթ ընտրությունները սկսվել են դեռ հոկտեմբերի 6-ին:  5 օրում ընտրություններին մասնակցել էր ընտրողների մեկ երրորդը:  Սակայն ընտրությունները կայացած են համարվում, եթե դրանց մասնակցում է ընտրողների կեսը:

Լրատվամիջոցների եւ փորձագետների կարծիքով, 1994 թվականից Բելառուսի ղեկավար Ալեքսանդր Լուկաշենկոն առանց դժվարության  կհաղթի հենց առաջին փուլում:

Լուկաշենկոն այս ընտրություններում 3 հակառակորդ ունի` լիբերալ դեմոկրատների առաջնորդ Սերգեյ Գայդուկեւիչը, կազակների ատաման Նիկոլայ Ուլախեւիչը, «Ասա ճշմարտությունը» դեմոկրատական շարժման ակտիվիստ Տատյանա Կորոտկեւիչը: