Վենեսուելայում հնարավոր են նոր նախագահական ընտրություններ

Այս տարվա հոկտեմբերին վերընտրված` Վենեսուելայի նախագահ Հուգո Չավեսի երդման արարողությունը, որը տեղի էր ունենալու հունվարի 10-ին, հետաձգվել է անորոշ ժամանակով: Պատճառը Չավեսի առողջական վիճակն է. տեղեկացնում է РБК-ն:

Թեեւ այս մասին հայտնում են ԶԼՄ-ները, սակայն տեղեկությունը դեռ պաշտոնապես չի հաստատվել: Միաժամանակ, քաղաքագետները ուշադրություն են հրավիրում այն հանգամանքին, որ Չավեսի ապաքինումը վիրահատությունից հետո ձգձգվում է: Տեղական ընդդիմությունը չի հավատում պաշտոնական տեղեկություններին, թե Չավեսն իրեն արդեն լավ է զգում, նրանք հավատում են բժիշկներին, ովքեր համոզված են, որ նախագահը մինչեւ գարուն չի ձգի:

Վենեսուելական օրենսդրության համաձայն` եթե նախագահն սահմանված ժամկետում երդում չի տալիս, ընդդիմությունն իրավունք ունի 30-օրյա ժամկետում նոր ընտրություններ պահանջել: