Ծանրամարտ. Սամվել Գասպարյանը` Եվրոպայի` մինչև 20 տարեկանների չեմպիոն

Կլայպեդայում ավարտին է մոտենում մինչև 20 և մինչև 23 տարեկանների ծանրամարտի Եվրոպայի առաջնությունը:

Հայաստանը ներկայացնող` մինչև 20 տարեկան երիտասարդները հիանալի արդյունք ցույց տվեցին: Ընդ որում` ոսկե մեդալի համար պայքարն ընթացավ հենց նրանց միջև, և ամեն ինչ որոշեց Սամվել Գասպարյանի` անձնական քաշով թեթև լինելու հանգամանքը: Մեր տղաները երկամարտում ցույց տվեցին 350 կգ արդյունք: Սամվելը (155+195) հրում վարժության վերջին մոտեցման ժամանակ միայն կարողացավ շրջանցել իր թիմակցին և հռչակվել Եվրոպայի չեմպիոն: Կարուշը (158+192) դարձավ փոխչեմպիոն, իսկ պոկումում ցույց տվեց լավագույն արդյունքը. հայտնում է Հայաստանի ծանրամարտի ֆեդերացիայի պաշտոնական կայքը:

Երկամարտի 349 կգ-ով բրոնզե մեդալը նվաճեց վրացի Լոգինոզ Բրեգվաձեն: Հիշեցնենք, որ Հայաստանն արդեն ունի տարբեր ձուլվածքի մի քանի մեդալներ: