Խոշոր վթար Վանաձոր-Դիլիջան ճանապարհին.1 զոհ, 4 վիրավոր

Հոկտեմբերի 4-ին, ժամը 14.18-ին ահազանգ է ստացվել, որ Լոռու մարզի Լերմոնտովո և Մարգահովիտ գյուղերի միջակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Մ-8 ավտոճանապարհի Վանաձոր-Դիլիջան հատվածի 18-րդ կմ-ում «KIA» մակնիշի 50 NA 700 պ/հ ավտոմեքենան դուրս է եկել ճանապարհի երթևեկելի հատվածից և կողաշրջվել: Հրշեջ-փրկարարները հոսանքազրկել են ավտոմեքենան և փակել գազի փականը: Տեղեկացնում է ՏԿԱԻՆ-ը:

Shamshyan.com-ի տեղեկություններով` վթարի հետևանքով 1 հոգի մահացել է, 4 հոգի տեղափոխվել են Վանաձորի հիվանդանոց: Վիրավորներից  2-ը գտնվում են ծայրահեղ ծանր, 2-ը` ծանր կայուն վիճակում: