Պուտին-Օբամա «դուելում» հաղթեց Պուտինը. քաղաքագետ

Աշխարհն անհամբեր սպասում էր Պուտին-Օբամա հանդիպմանը, և երկու երկրների նախագահների հանդիպումից շահել է ՌԴ նախագահ Վլադիմիր Պուտինը. այսօր լրագրողների հետ զրույցում կարծիք հայտնեց քաղաքագետ Ալեքսանդր Մանասյանը:

«Պուտին-Օբամա դուելում հաղթել է Պուտինը, դա է փաստում նաև այն հանգամանքը, որ Օբաման հանդիպումից հետո դուրս չեկավ ու այդպես էլ չզրուցեց լրատվամիջոցների հետ: Ռուսաստանն իր քաղաքականությունը տանում է նուրբ և մեղմ քայլերով»,- ասաց նա:

Ըստ քաղաքագետի` Արևմուտքը` ի դեմս ԱՄՆ-ի, ընդունեց, որ «Իսլամական պետության» դեմ պետք է համատեղ պայքարել, ինչը նախկինում ԱՄՆ-ը և Արևմուտքը համարում էին իրենց մենաշնորհը: