Արցախում զոհված զինծառայողը երկու ամսվա ծառայող էր. քաղաքապետ

Արդեն տեղեկացրել ենք, որ սեպտեմբերի 25-ին` ժամը 17:30-ի սահմաններում, ադրբեջանական զինուժի կողմից հրթիռահրետանային արկակոծման է ենթարկվել ՊԲ-ի հյուսիսարևելյան ուղղությամբ տեղակայված զորամասերից մեկի պահպանության տեղամասը, որի արդյունքում բեկորային մահացու վիրավորում է ստացել ՊԲ 4 զինծառայող:

Զոհված զինծառայող` 18-ամյա Կարեն Շահինյանը Աբովյան քաղաքից էր: Քաղաքապետ Վահագն Գևորգյանը Yerkir.am-ի հետ զրույցում պատմեց, որ Կարենենց ընտանիքը Աբովյանում վարձով է բնակվում:

«Երեք երեխա էին, երկու եղբայրները ևս ծառայել են Ղարաբաղի «Եղնիկներ» զորամասում: Էս երեխան էլ երկու ամսվա ծառայող էր»,- ասաց քաղաքապետը և հավելեց, որ եթե ինչ-որ բանով կարող են` կօգնեն ընտանիքին: