Մի շարք բուհերում կադրային «խցանումներ» են. Արմեն Աշոտյան

Այսօր մի շարք բուհերում կադրային «խցանումներ» են. լրագրողներին ասաց ՀՀ ԿԳ նախարար Արմեն Աշոտյանը:

Նրա հավաստմամբ` ոչ արդիական կրթություն մատուցող դասախոսների սերունդ ունենք, իսկ մարդկային ռեսուրսի կառավարումը կախված է հասարակական ընկալումներից:

«Պատկառելի տարիք և փորձ ունեցող մի շարք դասախոսներ ունենք, բայց, մյուս կողմից, նաև` փայլուն երիտասարդներ, որոնց նույնպես պետք է համակարգում ընդգրկենք: Այնտեղ, ուր ժամանակակից կրթությունը ձևավորվել է, այդ բուհերի դասախոսները նույնպես դինամիկ են, ժամանակակից, աշխատում են իրենց վրա: Բայց պատկերացնո՞ւմ եք` 67 տարեկան մարդն ինչպես պետք է ժամանակակից տնտեսագիտություն դասավանդի, երբ առարկայի աղբյուրների մեծ մասն արդեն այլալեզու է»,- ասաց նախարարը:

Ըստ նրա` իրականում շատ դժվարությամբ են կարողանում «ճանապարհել» դասախոսներին: